اللعنه المباركيه

من 22 سنه لما فتحت عينى على الدنيا لقيت فيها ثوابت ما اتحكمتش فى وجودها 
اولها  دينى  
تانيها امى وحنيتها وابويا وقسوته 
تالتها مصر بلدى اللى بدوب فى ترابها 
رابعها لقيت اهلى بيكرهوا اليهود فكرهتهم 
خامسها بقى رئيس بلدى (السابق)الحمد لله 
انا بطبعى بحب التغير . بس فى حاجات فى حياتنا ماينفعش نغيرها زى دينا وبلدنا وابونا وامنا .....ورئيسنا 
بس رئيسنا دى ما استمرتش كتير 
بقالى فى مصر 20 سنه وانا عارفه ان ده بابا ودى ماما و حسنى الرئيس 
انا ظروفى كانت الحمد لله ميسره جدا...يعنى لا اتولد جعانه ولا مريضه والحمد لله اهلى علمونى احسن تعليم
 يعنى لابكره النظام علشان محرومه ولا علشان مريضه ومش قادره اتعالج 
انا اتولد لأب ناصرى وام ساداتيه 
واهلى كانوا بيشربونى القراءه مع اللبن 
قريت فى السياسه بدرى قوى 
قريت كتب عن السادات وعن عبد الناصر كتب مصريه وحتى اجنبيه 
وبما انى معاصره مبارك فامحتاجتش انى اقرا عنه كتير
بس الغريب انى لاقيت اننا لوكرهنا او حبينا عبد الناصر منقدرش ننساله السد العالى وتاميم القناه 
والمصانع الكتيره اللى عملها (واللى بعها المخلوع)وحاجات كتير 
واننا لو حبينا او كرهنا انور السادات مانقدرش ننساله حرب اكتوبر المجيده وثوره التصحيح والسلام اللى 
رجعلنا ارضنا كامله من غير نقطه دم  واحده 
ومبارك سواء كرهناه او كرهناه !؟ فهو عمل 
توشكى .....وبعها 
شويه كبارى ومدن جديده ....ومئات الحوادث اسبوعيا 
ومترو الانفاق 
قدام ايه؟؟؟؟؟؟؟؟؟؟؟؟؟؟
بيع معظم مصانع القطاع العام وتسريح الكفائات عماله زايده 
مليون مواطن تحت خط الفقر 40  
مدن كتير فى الصعيد معندهاش كهرباء ولا صرف صحى ولا غاز 
والغاز بيتصدر لاسرائيل بنص التمن 
ناس بتبيع اعضائها علشان تعيش واحنا بنصدر القمح والارز لاسرائيل باقل من نص التمن 
10 الاف طفل بيجلهم سرطان سنويا بسبب المبيدات المسرطنه اللى انت اتسترت على الوزير اللى جابها 
نبقى فى بلد النيل والالاف الاطفال بيجلهم فشل كلوى بسبب المياه الملوثه 
ده غير مئات حالات التعذيب والوفاه بسبب الشرطه سنويا 
وملايين الشباب اللى مش لاقيه شغل وبالتالى زادت نسبه الانتحار
ماحدش ذل الشعب زيك كده ولا حتى اليهود  
30سنه من الظلم ....القهر ....الفساد .....مرض.....فقر....والجهل
ابتديت اتخنق زى حال كل الشباب عايزين نتكلم وخايفين لانتحبس ونتعذب ونموت 
وكان لازم نحرر نفسنا من اللعنه المباركيه اللى حلت على البلد 
وحصلت المعجزه ....اللى دفع تمنها مئات الشباب بدمهم وساعتها اتأكدت ان مهما طال الليل لازم هيجى نهار
من بعديه وان الظلم لازم تكون اخرته سودا على الظالم 
الحمد لله ان الشعب المصرى ضرب مثال للعالم كله كيف تكون الثوره السلميه ؟؟؟؟ وذات نتائج ملموسه 
ويارب الثوره تكمل على خير ومصر ترجع تانى ام الدنيا 

احنا اسفين يا ريس

اكيد انا ماتجننتش ولا اخدت فلوس علشان اقول كده بس انا بكررها احنا اسفين يا ريس 

احنا اسفيين اننا ما حدش فينا فهمك 

احنا اسفين اننا كنا باصين تحت رجيلنا 

احنا اسفين لما قولنا عليك عميل 

احنا اسفين اننا اعترضنا لما الاسعار ولعت
احنا اسفيين اننا قولنا عليك فاسد 

احنا اسفيين يوم ماحد فكر انك لازم تموت انت ونظامك 

احنا اسفيين اننا قولنا عليك خاين علشان حاطيت ايدك فى ايد اليهود 

احنا اسفين ياريس  

احنا اسفين يا سادات 

الثوره تنقلب على الثوار ....الا

اعلم ان العنوان مجرد خيال وليس حقييقه ولكنها من الممكن ان تكون حقيقه واقعه .......نعم قمنا بالثوره وراحت مئات الارواح فداء لهذه 

الثوره ونجحت الثوره عندما اسقطنا النظام وسجنا كل رجال النظام السابق بما فيهم الرئيس السابق ونجليه وهذا كان مستحيلا فى نظر 

الناس كلها سواء مع الثوره او ضدها ولكن ليس هذا المهم .......المهم هو ماذا بعد؟ نحن الان فى موقف حرج اما ان نصبح  دوله من دول 

العالم المتقدمه او نرجع 1000 خطوه للوراء 

نعم قد تنقلب الثوره علينا وتصبح مصر خرابه . وللعلم اذا حدث ذلك سوف يصبح عصر مبارك ارحم بكثير من هذا الوقت

لكنى ارجو من كل الشعب الذى تكاتف واصبح يد واحده فى وجه الطاغوت 

الشعب الذى اذهل العالم به وبقوة ارادته 

شعب فى خلال 62 يوم اسقط نظام بالكامل وقدمه للعداله 

نظام من اقوى نظم الفساد فى العالم 

يا شعب مصر ان الاوان لكى نبنى مصر ,ان الاوان لنبنى الامجاد  كفانا تظاهرات فقد تحقق ماكنا نتمناه وزياده 

نحن الان نتابع الموقف بكل حرص  فأى تلاعب او الالتفاف على ثورتنا سوف ننزل الى التحرير ميدان كفاحنا

لنعلن عن سخطنا وان لم يحدث اى شيئ  فيكفينا  ما حققناه من انجازات 

وما سوف نحققه من امجاد بأيدينا لبلادنا 

عندما بدأت  الثوره وجدت فى اعين الشباب اصرار غريب على تغير الاوضاع وخروج الفساد من بلدهم 

فرجاء من شباب  علم العالم كله  درسا فى حب الوطن؟

ان يلتفتوا  لبناء  بلدهم  ويعطوها كل اهتمامهم  مصر الان بحاجه الى بناء وتعمير وتطوير

بحاجه الى جهد كل شاب وعامل وفلاح ..........الان خير مصر سوف يصبح لها ولابناءها 

فقد ذهب الفساد الى مكانه الطبيعى ...........والاصلاح فقط هو من يبقى 

فبأيدينا نصنع التاريخ والمجد لمصرنا الحبيبه 

ولنرفع شعار ................مصر ام الدنيا ام العلوم والفنون 

ربنا كبير ....ربنا كبير

فى تحقيقات الرئيس المخلوع عندما وجهت له التهم

صرخ وقال:ربنا كبير !!!؟

وقتها تذكرت اغنيه 

اصرخ مهما تصرخ ولاحد هيسمعك

مافيش مركب هتقدر بالعمر ترجعك

ولكنى توقفت عند ربنا؟؟؟؟؟ اى رب تتحدث عنه 

ماهو الرب الذى تعبده لتقتل مئات الشباب لمجرد انهم خرجوا يعبروا عن رأيهم

ماهو الرب الذى يقبل

القتل 

المرض

البطاله

الفساد

الفقر 

 

انا لا اعتقد انك مسلم اومسيحى او حتى يهودى

ولا اعتقد ان ربنا الذى تقصده هو الله

لان الله سبحانه وتعالى حرم الظلم على نفسه 

وانت..............ابدعت فى ظلم هذا الشعب 

وفى النهايه    صدقت ايها المخلوع     ربنا كبير الذى اذلك وجعلك 

عبره لمن يعتبر ....الحمد لله